Në margjina të Warsaw Security Forum 2026, ministri i Mbrojtjes, Ejup Maqedonci, zhvilloi një takim me homologun e tij lituanez, ministrin Robertas Kaunas.
Në këtë takim u diskutua për thellimin e bashkëpunimit në fushën e mbrojtjes, Programin e Mbrojtjes Gjithëpërfshirëse të Kosovës i cili ka ngjashmëri me sistemin lituanez të mbrojtjes totale, si dhe për mundësitë e bashkëpunimit në zhvillimin e industrisë së mbrojtjes.
Me këtë rast, ministri Kaunas shprehu mirënjohjen për kontributin e Kosovës në kuadër të koalicionit të deminimit, duke vlerësuar lartë angazhimin tonë në këtë fushë.
Ndërsa ministri Maqedonci theksoi se bashkëpunimi me Lituaninë është një mundësi e rëndësishme për avancimin e kapaciteteve tona mbrojtëse.
Të dyja palët riafirmuan rëndësinë e forcimit të bashkëpunimit dypalësh në funksion të sigurisë së përbashkët dhe zhvillimit të kapaciteteve mbrojtëse.
