4
Në takim u diskutuan tema të shumta që ndërlidhen me sigurinë, sfidat, arritjet dhe bashkëpunimin e Kosovës me NATO-n, nëpërmjet Ekipit Këshillues dhe Ndërlidhës të kësaj aleance.
Ministri theksoi faktin që Republika e Kosovës synon të bëhet pjesë e aleancës së madhe të NATO-s, dhe bazuar në standardet e kësaj aleance është duke vazhduar zhvillimi i Forcës së Sigurisë së Kosovës, jo vetëm sa i përket sistemeve të armatimit, por gjithashtu dhe edukimit të kuadrove profesionale ushtarake, sipas doktrinave të shteteve partnere.
“Pjesëmarrja e ushtrisë sonë në misionin Interflex me Mbretërinë e Bashkuar dhe Koalicionin e Deminimit, me qëllim trajnimin e trupave ukrainase në luftën kundër agresorit rus, është tregues përveçse i orientimin tonë drejt politikave demokratike euro-atlantike, po ashtu edhe nivelit të lartë të përgjegjësisë e kapaciteteve profesionale të krahasueshme me ushtritë e tjera”, u shpreh mes tjerash ministri Maqedonci.
