4
Gjatë takimit, ministri Maqedonci e informoi znj. Viehe mbi zhvillimet aktuale në Ministrinë e Mbrojtjes dhe Forcën e Sigurisë së Kosovës, si dhe mbi planet strategjike për të ardhmen.
Ministri theksoi përkushtimin e vazhdueshëm për koordinim dhe bashkëpunim të ngushtë me KFOR-in dhe Ekipin Këshillues dhe Ndërlidhës të NATO-s (NALT), duke ritheksuar se objektivi kryesor mbetet anëtarësimi në NATO.
Ky synim do të mundësojë që FSK-ja të kontribuojë më fuqishëm në ruajtjen e stabilitetit dhe paqes në rajon dhe më gjerë.
Ministria e Mbrojtjes mbetet e përkushtuar në avancimin e kapaciteteve të saj dhe forcimin e partneritetit me NATO-n, me qëllim të sigurimit të një mjedisi të qëndrueshëm dhe paqësor për të gjithë qytetarët e Republikës së Kosovës.
