4
Partneriteti dhe në veçanti bashkëpunimi në fushën e mbrojtjes dhe sigurisë në mes Republikës së Kosovës dhe Republikës së Kroacisë është në nivelin më të lartë.
Gjatë takimit dy ministrat kanë shqyrtuar mundësitë e thellimit të bashkëpunimit në fushën e mbrojtjes. Po ashtu, ata kanë diskutuar rreth situatës së sigurisë në rajon dhe më gjerë.
Ministri Maqedonci ka falënderuar ministrin Anušić për mbështetjen e vazhdueshme dhe shumëdimensionale që Kroacia vazhdon ta japë për Kosovën, si dhe i ka rikonfirmuar vendosmërinë e institucioneve të Kosovës për anëtarësim në strukturat euro-atlantike.
Gjatë takimit, të dy ministrat kanë nënshkruar marrëveshjen për shkollimin e kadetëve të FSK-së në Akademinë Ushtarake “Franjo Tuđman”, me qëllim të rritjes së mëtutjeshme të kapaciteteve njerëzore në mbrojtje dhe siguri.
