Drejtori për Politika të Mbrojtjes në Ministrinë e Mbrojtjes, Faruk Geci, mori pjesë në takimin e Kartës së Adriatikut–SHBA-së (A5), i mbajtur në Shibenik të Kroacisë.
Në takim u trajtuan temat për sigurinë rajonale, kërcënimet hibride, sfidat ekonomike dhe energjetike, integrimin euroatlantik dhe mundësitë e bashkëpunimit ndërmjet vendeve anëtare dhe vëzhguese.
Në kuadër të diskutimeve, drejtori Faruk Geci paraqiti tri propozime konkrete: shkëmbimi i përvojave për mbrojtjen e infrastrukturës kritike nga kërcënimet hibride, organizimin e një ushtrimi rajonal në tavolinë gjatë vitit 2027, me pjesëmarrjen e vendeve anëtare dhe vëzhguese dhe zgjerimin e trajnimeve të përbashkëta për kërkim-shpëtim, mbështetje mjekësore dhe deminim. Drejtori kërkoi që çështja e plotë e anëtarësimit të Kosovës në A5 të përfshihet në agjendën e takimeve të ministrave të Mbrojtjes dhe të Punëve të Jashtme, të planifikuara të mbahen në fund të këtij viti
