4
Në takim u diskutua rreth situatës së sigurisë në Ballkan, si dhe për bashkëpunimin e mëtutjeshëm ndërmjet dy shteteve.
Ministri falënderoi Gjeneralin Bayraktaroğlu për mbështetjen dhe bashkëpunimin e shkëlqyer ndërmjet dy ministrive dhe ushtrive, i cili është rezultat i urave të ndërtuara përmes kulturës dhe ekonomisë.
Nga ana e tij, Gjeneral Bayraktaroğlu e siguroi ministrin Maqedonci se do të vazhdojë bashkëpunimi në trajnimin e pjesëtarëve të FSK-së, ndërtimin e kapaciteteve të mbrojtjes, si dhe në fushën e industrisë së mbrojtjes përmes bashkëpunimit me kompaninë shtetërore MKE dhe kompani të tjera.
Të dy u dakorduan se Kosova e ka vendin në NATO, dhe se hapat e ndërmarrë në transformimin e FSK-së e bëjnë Kosovën, në të ardhmen e afërt, një aleat të vyer të aleancës euroatlantike.
