4
Gjatë këtij takimi, të dy palët diskutuan mbi mundësitë e zgjerimit të bashkëpunimit në fushën e mbrojtjes dhe sigurisë. Zëvendësministri Syla theksoi rëndësinë e marrëdhënieve të forta mes Kosovës dhe Kroacisë, duke vënë në dukje se bashkëpunimi strategjik në mbrojtje është një element kyç për stabilitetin rajonal.
Koloneli Jozef shprehu gatishmërinë e Kroacisë për të mbështetur Kosovën në përpjekjet e saj për të forcuar kapacitetet mbrojtëse dhe për të përmirësuar sigurinë shtetërore. Ai vlerësoi përparimin e bërë nga Kosova në këtë drejtim dhe ofroi ndihmën e Kroacisë në trajnimet dhe shkëmbimin e përvojave.
Në fund të takimit, të dy palët u pajtuan për të intensifikuar komunikimin dhe vizitat e ndërsjella të përfaqësuesve institucionalë, duke synuar një bashkëpunim më të ngushtë dhe efektiv në të ardhmen.
