Ministri në detyrë i Mbrojtjes, Ejup Maqedonci mori pjesë në ceremoninë e diplomimit të kadetëve të Akademisë Ushtarake të Forcave të Armatosura të Republikës së Turqisë, me rastin e shënimit të Ditës së Fitores së Republikës së Turqisë.
Në kuadër të ceremonisë, ministri Maqedonci takoi presidentin e Republikës së Turqisë, Recep Tayyip Erdoğan, si dhe ministrin e Mbrojtjes Kombëtare, Yaşar Güler, të cilëve ua uroi Ditën e Fitores së Republikës së Turqisë.
Një moment i veçantë i ceremonisë ishte diplomimi i pesë kadetëve nga Republika e Kosovës, të cilët përfunduan me sukses studimet e tyre ushtarake. Ministri Maqedonci, i përgëzoi për përkushtimin, disiplinën dhe suksesin e treguar gjatë studimeve, duke u uruar një karrierë të suksesshme në shërbim të vendit.
Bashkëpunimi në fushën e mbrojtjes ndërmjet Republikës së Kosovës dhe Republikës së Turqisë është i rëndësishëm dhe mbështetja në edukim, trajnim dhe përgatitje profesionale të kuadrove të reja ushtarake përbën një nga shembujt konkretë të këtij bashkëpunimi.
