Kabineti i Ministrit

Shemsi Syla u lind më 01.07.1957 në fshatin Bresalc, në komunën e Gjilanit ku edhe mbaroi shkollën e mesme në Gjimnazin “Zenel Hajdini”. Në vitet 1977-1981, mbaroi studimet në Universitetin e Prishtinës, Fakulteti i Filologjisë, dega e Letërsisë dhe Gjuhës shqipe ndërsa në vitet 2006-2008 ndoqi studimet e nivelit Master- Komunikim Masiv në Universitetin AAB.

Veprimtaria profesionale e Shemsiut lidhet ngushtë me fushën e edukimit dhe atë të mbrojtjes. Në vitet 1994-1998 ai filloi veprimtarinë e tij si mësimdhënës i Gjuhës dhe Letërsisë shqipe në shkollën fillore “Zenel Hajdini” në Bresalc, ku më pas mori edhe detyrën e drejtorit të shkollës. Megjithëse angazhimi i tij në çështjen kombëtare ka qenë i pranishëm që kur ai ishte student, si një ndër organizatorët e Demonstratave të ’81-shit dhe si i burgosur politik, situata në Kosovën e periudhës 1997-99, bëri që ai t’i lërë nxënësit e tij dhe t’i bashkohet Ushtrisë Çlirimtare të Kosovës në rolin e Zv.Komandantit të Zonës Operative të Karadakut. Edhe pas përfundimit të luftës, Shemsiu nuk iu nda uniformës së ushtrisë, duke e vazhduar angazhimin e tij si Shef i Shërbimit për Informim Publik dhe Zëdhënës në Shtabin e Përgjithshëm të TMK-së, me gradën Kolonel. Shemsiu ishte pjesë e tranformimit të ushtrisë nga UÇK-ja në TMK dhe më pas nga TMK-ja në FSK, ku mori detyrën e Komandantit të Njësisë Ndërlidhëse për Reagim ndaj Krizave të Shpejta. Pas pensionimit në FSK në moshën 55 vjeçare, nga viti 2012, ai iu bashkua Ministrisë së Mbrojtjes si Këshilltar për Siguri, ku vazhdoi kontributin e tij në forcimin e ushtrisë së Kosovës.

Pas përfundimit të misionit të tij si ushtarak, Shemsiu vazhdoi punën si Deputet në Kuvendin e Kosovës nga radhët e Lëvizjes Vetëvendosje, në legjislaturën e VI-të, ku udhëhoqi Komitetin për Mbrojtje dhe Siguri.

Aktualisht, Shemsiu është zëvendësministër i Ministrisë së Mbrojtjes së Kosovës, ku vazhdon misionin e tij të përjetshëm për ta bërë Ushtrinë e Kosovës një ndër ushtritë më të përgatitura në rajon dhe më gjerë.

Adnan Rexheplar - Zëvendësministër

Agime Gashaj – Shefe e Kabinetit

tel: 03820013511
e-mail: agime.gashaj@rks-gov.net

Afrim Berisha - Sekretar Personal i Ministrit

+381(0) 38 200 13514
afrim.j.berisha@rks-gov.net

Flamur Arifaj - Zyrtar i lartë i kabinetit

+381(0) 38 200 13512
flamur.arifaj@rks-gov.net

Rabit Konjufca - Këshilltar politik

+381(0) 38 200 13512
rabit.konjufca@rks-gov.net

Sami Hajrullahu - Këshilltar politik

Hasan Hoxha - Këshilltar politik

Email: hasan.hoxha@rks-gov.net