Ministri Mehaj dekoron gjeneralin amerikan Larry L. Henry me medaljen “Shërbim i shquar”

Ministri i Mbrojtjes, Armend Mehaj priti sot në takim lamtumirës gjeneral brigadierin amerikan Larry L. Henry i cili përfundoi shërbimin njëvjeçar në detyrën e shefit të Shtabit të Përgjithshëm të KFOR-it. Me këtë rast, me protokoll ceremonial, ministri Mehaj dekoroi gjeneral Henry-n me medaljen më të lartë të tij “Shërbim i shquar” me motivacion “për bashkëpunimin shembullor me Ministrinë e Mbrojtjes të Republikës së Kosovës dhe kontributin e madh në avancimin e aftësive të Forcës së Sigurisë së Kosovës”.Nga ana e tij gjeneral Henry, theksoi se medalja e ministrit të Mbrojtjes, është nder i madh për të duke shprehur edhe kënaqësinë e tij për shërbimin në Kosovë dhe bashkëpunimin e shkëlqyeshëm me Ministrinë e Mbrojtjes. Ai uroi për të arriturat e deritashme të FSK-së dhe misionin e tyre në shërbim të sigurisë dhe qytetarëve të Kosovës.

This site uses cookies to offer you a better browsing experience. By browsing this website, you agree to our use of cookies.