Major Korab Dauti diplomoi me sukses të lartë në Kolegjin e Komandës dhe Shtabit të Përgjithshëm (CGSC) në SHBA

Pas studimeve njëvjeçare, oficeri i FSK-së, Major Korab Dauti diplomoi me sukses të lartë në Kolegjin e Komandës dhe Shtabit të Përgjithshëm të Ushtrisë Amerikane dhe në të njëjtën kohë përfundoi edhe Masterin në Studime Operacionale, në Fort Leavenwoth, Kansas, SHBA.

Kolegji i Komandës dhe Shtabit të Përgjithshëm së Ushtrisë Amerikane (CGSC) ka për qëllim edukimin dhe zhvillimin e udhëheqësve për operacione të përbashkëta, ndërinstitucionale dhe shumëkombëshe me spektër të plotë.

Gjithashtu vepron si agjenci kryesore për programin e zhvillimit të udhëheqësve të Ushtrisë, si dhe avancon artin dhe shkencën e profesionit ushtarak në mbështetje të kërkesave operacionale të Ushtrisë.

Suksesi i Major Korab Dautit është vlerë e shtuar në kuadrin profesional dhe akademik të FSK-së, si dhe në proceset zhvillimore të saj.

This site uses cookies to offer you a better browsing experience. By browsing this website, you agree to our use of cookies.