Komandanti i FSK-së, gjenerallejtënant Rrahman Rama priti në takim lamtumirës atasheun gjerman të mbrojtjes, rezident në Bosnje dhe Hercegovinë dhe të akredituar për Republikën e Kosovës, nënkolonelin Kai-Uwe Napel.Me rastin e përfundimit të misionit të tij tre vjeçar, Gjeneral Rama e dekoroi nënkolonelin Napel me medaljen për „Shërbim Vetëmohues“. Nënkoloneli Kai-Uwe Napel u vlerësua për vizionin strategjik, udhëheqjen dhe përkushtimin e tij, të cilat kanë luajtur një rol shumë të rëndësishëm në zhvillimin e FSK-së.Gjithashtu, Gjeneral Rama e falënderoi atasheun gjerman të mbrojtjes, nënkolonelin Napel, për bashkëpunimin korrekt, konstruktiv dhe përmbajtësor, gjatë kryerjes se mandatit të tij.
