Komandanti i FSK-së, gjenerallejtënant Bashkim Jashari, priti në takim ambasadorin e Shqipërisë, Qemal Minxhozin

Komandanti i FSK-së, gjenerallejtënant Bashkim Jashari, priti sot në takim zyrtar ambasadorin e Shqipërisë në Prishtinë, Qemal Minxhozin, të shoqëruar nga atasheu i mbrojtjes së Shqipërisë në Kosovë, kolonel Altin Kurti.
Me këtë rast, ambasadori Minxhozi i uroi detyrën e re Gjeneral Jasharit, duke theksuar se bashkëpunimi i fuqishëm vëllazëror në mes të dy vendeve në fushën e mbrojtjes dhe sigurisë do të vazhdojë edhe më tutje.
Gjeneral Jashari në këtë takim theksoi se përvojat e Shqipërisë si një vend anëtar i NATO-s do të jenë të dobishme për Republikën e Kosovës drejtë objektivit të saj në integrimin në organizatat euroatlantike në përgjithësi dhe zhvillimit dhe avancimit të FSK-së në veçanti.

This site uses cookies to offer you a better browsing experience. By browsing this website, you agree to our use of cookies.